गोरखा, २४ फागुन । गोरखाको बारपाक सुलिकोट गाउँपालकाले पालिकाको आफ्नै लोगो निर्माण गर्ने भएको छ । गाउँपालिकाले पालिका भित्रको भौगोलिक, प्राकृतिक, सांस्कृतिक तथा सामाजिक चरित्र झल्कने गरी लोगो निर्माण गर्न लागिएको गाउँपालिकाका प्रमुख प्रशासकिय अधिकृत तुलसीराम आर्चायले जानकारी दिनुभयो ।
गाउँपालिकाले सार्वजनिक सूचना जारी गर्दै उत्कृष्ट लोगो निर्माण गर्ने व्यक्तिलाई ३० हजार रुपैया सहित पुरस्कृत गर्ने जनाएको छ । गाउँपालिकाको लोगो अन्य गाउँपालिकाको भन्दा भिन्न तथा पालिकाको मौलिकता झल्किने हुनुपर्ने र लोगोमा समावेश भएका चित्र शब्द संकेतहरुको व्याख्या तथा विश्लेषण समेत समावेश भएको हुनुपर्ने गाउँपालिकाले सार्वजनिक गरेरको सूचनामा उल्लेख छ ।
गाँउपालिकामा लोगो पेश गर्नेको लागी नेपाली नागरिकताको प्रतिलिपि, बिधार्थीहरुको हकमा बिधालयमा अध्ययनरत बिधालयको नाम र सम्बन्धित वडा कार्यलयको सिफारिस हुनुपर्ने प्रमुख प्रशासकिय अधिकृत आर्चायले बताउनुभयो । डिजाईन गरेको लोगोे रंगीन प्रिन्ट तथा एफो साइज पेपरको डिजिटल कपी र बिद्युतीय माध्यमवाट पनि गाउँपालिकामा पेश गर्न सकिने गाउँपालिकाले जनाएको छ ।
डिजाईन गरिएको लोगो आगामीचैत १० गते सम्म गाउँकार्यपालिकाको कार्यलयमा पेश गरिसक्नु पर्ने गाउँपालिकले सार्वजनिक गरेको सूचनामा उल्लेख गरिएको छ ।
