कोरोना भाइरस फैलिनुको मुख्य कारक अमेरिकी सेना होः चाओ

काठमाडौं । कोरोना भाइरस कोभिड(१९ को कारक अमेरिकी सेना भएको चिनियाँ विदेश मन्त्रालयका प्रवक्ता चाओ लिचियानले चीनमा बताउनुभएको छ । उहाँले सुक्रबार आफ्नो सामाजिक सञ्जाल ट्वीटरमार्फत् अमेरिकी सेनाले हुबेईको वुहानमा कोरोना भाइरस फैलाएको आरोप लगाउनु भएको हो ।

कोरोना भाइरस चीनको समुद्री खानाबाट नफैलिएको उहाँले बताउनु भएको छ । उहाँले यो भाइरस अमेरिकामा निस्किएको र अमेरिकी सेना मार्फत आफ्नो देशमा फैलिएको दाबी गर्नु भएको छ । आफ्नो आधिकारिक एकाउन्टबाट ट्वीट गर्दै चाओ यसले आफूले यसअघि विश्वास गर्दै आएको कुरालाई पनि परिवर्तन गरिदिएको बताउनु भयो ।

यस विषयमा चीनस्थित अमेरिकी दूतावासले भने कुनै प्रतिक्रिया दिएको छैन । गत अक्टोबरमा चीनको वुहानमा इन्टरनेशनल मिलिटरी वर्ल्ड गेम्स आयोजना गरिएको थियो, यसमा अमेरिकी सेनाले पनि भाग लिएको थियो । अहिले लगाइएको आरोप सोही प्रतियोगितासँग जोडिएको बताइएको छ ।