गोरखा, २९ माघ । गोरखा नगरपालिकाले पनि जनयुद्ध दिवसको दिन भोली सार्वजनिक बिदा दिने भएको छ । नगरपालिकाले जनयुद्ध दिवसको अबसरमा यहीँ फागुन १ गते सोमवार सार्वजनिक बिदा दिने निर्णय गरेको हो ।
आज बसेको नगर कार्यपालिकाको बैठकले जनयुद्ध दिवसको अवसरमा नगरपालिका भित्र सार्बजनिक बिदा दिने निर्णय गरेको थियो । सार्वजनिक बिदाको दिन नगरकार्यपालिकाको कार्यलय अन्तर्गत सरकारी तथा गैरसरकारी, शैक्षिक तथा स्वास्थ्य संस्थाहरु बन्द हुने नगरपालिकाका स्वकीय सचिव अनिस अर्यालले जानकारी दिनुभयो ।
जनयुद्ध सुरुभएको दिनको सम्झनामा माओवादिले फागुन १ गतेलाई दिवसको रुपमा मनाउँदै आएको उहाँले बताउनुभयो । यता सरकारले पनि आज बसेको मन्त्रिपरिषद्को बैठकले भोली देशैभर सावैजनिक बिदा दिने निणर्य गरेको छ ।
