गोरखा, २६ माघ । गोरखाको भीमसेन थापा गाउँपालिकामा भोलीदेखि सुरु हुन लागेको पालिका स्तरीय तेस्रो राष्ट्रपति रनिङशिल्ड प्रतियोगिताको तयारी पुरा भएको छ । गाउँपालिकाको वडा नम्बर १ मसेल स्थित श्री बिन्द्राबती मध्यामिक बिद्यालयमा हुन लागेको प्रतियोगिताका लागि सवै तयारी पुरा भएको गाउँपालिकाका प्रमुख प्रशासकिय अधिकृत चित्रबहादुर अधिकारीले जानकारी दिनुभयो ।
प्रतियोगिता सम्पन्न गर्नका लागि प्रतियोगितामा सहभागी हुने निर्णायक, खेलाडीहरुको बसोबास तथा खाना बस्नका लागि व्यवस्था मिलाइएको उहाँले बताउनुभयो । त्यस्तै प्रतियोगिता सञ्चालन गर्नका लागि खेल मैदानहरुको व्यवस्था लगायतका सवै काम पूरा गरिएको प्रमुख प्रशासकिय अधिकृत अधिकारीको भनाई छ ।
प्रतियोगितामा गाउँपालिका भित्रका १२ वटा माध्यामिक बिद्यालयको सहभागिता रहनेछ । भीमसेन थापा गाउँपालिकाको आयोजनामा हुन लागेको प्रतियोगितमा सहभागी खेलाडीहरु बिच बिभिन्न १७ वटा इभेन्टमा प्रतिस्पर्धा हुने जनाइएको छ ।
प्रतियोगिता अन्र्तगत रिलो दौड लगायतका दौड प्रतियोगिता स्थानीय थ्रि स्टार युवा क्लबको खेलकुद मैदान हुनेछ भन्ने भलिवल, हाइजम्प, लम्पजम्प, त्रिपलजम्म, छेलो लगायतका प्रतियोगिता भने बिधालयको प्राङगढमा हुने गाउँपालिकाले जनाएको छ ।
