काठमाडौं, ११ पुष । अस्पताल भर्ना गरिएका बाल गायक सचिन परियारको स्वास्थ्यमा सुधार आएको छ । उनीसँग निकट कमल सरगमले सचिनको स्वास्थ्यमा सुधार आएर आईसीयूबाट जनरल वार्डमा सारिएको जानकारी दिनुभयो ।
स्वस्थ्यमा गम्भिर समस्या देखिएपछि केही दिनअघि बाल गायक सचिनलाई टिचिङ अस्पताल भर्ना गरिएको थियो । सचिन पछिल्लो समय काठमाडौंको एउटा निजी स्कुलमा बसेर पढिरहेका थिए ।
भाइरल बाल कलाकारको रुपमा समेत परिचित सचिनले केही लोकदोहोरी गीत समेत गाएका छन् । भिडियो एवं टेलिसिरियलमा समेत अभिनय गरेका उहाँले अभिनेता राजेश हमालसँग समेत म्युजिक भिडियो खेलेका छन् । पछिल्लो दुई वर्षयता उनी गायनमा सक्रिय थिएनन् ।
