गोरखा, २३ साउन। जिल्लाको विभिन्न स्थानमा आज गरिएको एन्टिजेन परिक्षणका क्रममा थप १६ जनामाकोरोना संक्रमण पुष्टि भएको छ । गोरखा अस्पताल, आरुघाट, अजिरकोट र सिरानचोकमा ७६ जनामा गरिएको एन्टिजेन परिक्षणका क्रममा सोमबार १६ जनामा कोरोना संक्रमण पुष्टी भएको हो ।
स्वास्थ्य कार्यालय गोरखाका अनुसार गोरखा अस्पतालमा ३ जना महिला र ६ जना पुरुषको परिक्षण गर्दा १ जना महिलामा र आरुघाट गाउँपालिकामा ५ जना महिला र ८ जना पुरुषमा गरिएको परिक्षणका क्रममा १ जना महिला र ७ जना पुरुषमा संक्रमण देखिएको हो ।
त्यस्तै गरी, अजिरकोट गाउँपालिकामा ५ जना महिला र ४ जना पुरुषमा गरिएको परिक्षणमा २ जना महिला र १ जना पुरुषमा संक्रमण देखिएको छ भने सिरानचोक गाउँपालिकामा २३ जना महिला र २२ जना पुरुषमा गरिएको परिक्षणका क्रममा ३ जना महिला र १ जना पुरुषमा संक्रमण देखिएको हो ।
आज ३६ जना महिला र ४० जना पुरुषमा गरिएको परिक्षणमा ७ जना महिला र ९ जना पुरुषमा संक्रमण देखिएको स्वास्थ्य कार्यालयका महामारी फोकल पर्सन नारायणबावु अर्यालले जानकारी दिनुभयो ।
साउन यता ३०१ जनामा गरिएकोमा एन्टिजेन परिक्षण ७८ जनामा संक्रमण देखिएको छ । संक्रमित मध्ये आजसम्म २२ जना निको भई सकेको छ ।
सोमबार साँझसम्म जिल्लाको गण्डकी, बारपाक सुलिकोट र चुमनुब्री गाउँपालिका बाहेकका ८ स्थानिय तहमा सक्रिय संक्रमितको संख्या ५६ पुगेको छ ।
पालिकागत संक्रमितको विवरण:
