म्याग्दी, १७ साउन । आज परेको निरन्तर बर्षाको कारणले म्याग्दीको मालिका गाउँपालिका–२ रुमको तामिङमा आज (मंगलबार) बिहान पहिरोले घर बगाउँदा दुुई जनाको मत्यु भएको र ३ जना बेपत्ता भएको छ । घाम बहादुर विक र गोठे विकको घर पहिराले पुरिएको हो ।
घटनास्थलमा गोठे विकका छोरा राजन र नवीनको शव भेटिएको निवर्तमान वडा सदस्य सम बहादुर विकले बताउनु भयो । गोठे र उहाँको श्रीमती गोरी विक पहिरोमा परेर घाइते भएको उहाँले जानकारी दिनुभयो ।
घम बहादुर, उहाँको श्रीमती राममाया र छोरी रोजी विक बेपत्ता भएका र स्थानीयवासीले बेपत्ताको खोजी गरिरहेका छन् । मालिका गाउँपालिकाका अध्यक्ष बेग प्रसाद गर्बुजाले जनप्रतिनिधि र सुरक्षाकर्मीको टोली घटनास्थलतर्फ हिँडेको उहाँले बताउनु भयो ।
