काठमाडौं, १२ साउन । नेपाली बजारमा सुन र चाँदीको मूल्य वृद्धि भएको छ । नेपाल सुन चाँदी व्यवसायी महासंघका अनुसार बिहीबार सुनको मूल्य तोलामा ८ सय र चाँदीको मूल्य ३० रुपैयाँले वृद्धि भएको हो।
आज छापावाल सुनको मूल्य तोलामा ९४ हजार ८ सय रुपैयाँ तोकिएको छ भने तेजावी सुनको मूल्य ९४ हजार ३ सय रुपैयाँ छ । बुधबार छापावाल सुनको मूल्य तोलामा ९४ हजार र तेजावी सुनको मूल्य ९३ हजार ५ सय रुपैयाँ थियो ।
आज चाँदीको प्रतितोला मूल्य १ हजार १८५ रुपैयाँ कायम भएको छ । बुधबार चाँदीको मूल्य १ हजार १५५ रुपैयाँमा कारोबार भएको थियो ।
