काठमाडौं, ११ साउन ।उपचारका लागि तीन सातादेखि भारतको नयाँदिल्लीमा रहन भएका प्रधानमन्त्री शेरबहादुर देउवाकी पत्नी तथा नेपाली कांग्रेसकी केन्द्रीय सदस्य आरजु राणा देउवा र भारतीय जनता पार्टी (भाजपा) का विदेश विभाग प्रमुख विजय चौथाइवालेबीच भेटवार्ता भएको छ ।
चौथाइवालेले भारतको नयाँदिल्लीमा बुधबार आरजुसँग भेट भएको तस्बिर सामाजिक सञ्जाल ट्विटरमा पोष्ट गर्नु भएको छ । उहाँले ६ महिनापछि देउवासँग भेट भएको भन्दै खुशी व्यक्त गर्नु भएको छ । आरजुले गत वर्ष नेपाल आउनु भएका चौथाइवालेलाई राखी बाँधि दिनु भएको थियो ।
