काठमाडौं, ११ जेठ । चट्याङ लागेर गुल्मीमा एक जना महिलाको मृत्यु भएको छ ।
जिल्लाको मदाने गाउँपालिका वडा नम्बर–४ म्यालपोखरी निवासी ४५ वर्षकी राधिका भट्टराईको मृत्यु भएको जिल्ला प्रहरी कार्यालय गुल्मीका प्रहरी नायब उपरीक्षक माधवराज खरेलले बताउनु भयो ।
भट्टराईलाई आफ्नै गोठमा गाईवस्तुलाई घाँसपात गर्नेक्रममा चट्याङ लागेको प्रहरीले जनाएको छ । मृतको शव पोष्टमार्टमका लागि गुल्मी अस्पताल ल्याइएको छ ।
