गोरखा, ५ जेठ । गोरखाको पालुङटार नगरपालिकामा जनता समाजवादी पार्टी (जसपा) र नेकपा एमालेको गठबन्धनलाई पराजित गर्दै माओवादी केन्द्र बिजयी बनेको छ ।
नगरपालिकाको मेयरमा माओवादी केन्द्रका उम्मेदवार विवश चिन्तन (अजय)ले ६ हजार ७२ मत प्राप्त गरी विजयी विजयी हुनु भएको छ । उहाँका निकटतम प्रतिद्वन्द्वी जसपाका मेयर पदका उम्मेदवार प्रेम गुरुङले ५ हजार ७ सय १७ मत प्राप्त गर्नु भयो ।
माओवादीका उम्मेदवार चिन्तनसँग गठबन्धनका उम्मेदवार गुरुङ ३ सय ५५ मतले पराजित हुनु भएको हो।
नगरपालिकाका निवर्तमान मेयर नेपाली कांग्रेसका उम्मेदवार दिपकबाबु कँडेलले ४ हजार ९ सय ९७ मत प्राप्त गर्नु भएको छ ।
त्यस्तै, उपमेयरमा पनि माओवादी केन्द्रकी वन्दना पाण्डे विजयी हुनु भएको छ ।
उहाँले ५ हजार ५७९ मत प्राप्त गर्दै निकटतम प्रतिस्पर्धी कांग्रेसकी चेतकुमारी श्रेष्ठलाई पराजित गर्नु भएको हो । श्रेष्ठले ५ हजार ७७ मत प्राप्त गर्नु भयो ।
गठबन्धनकी उम्मेदवार एमालेकी पार्वतीदेवी पाठकले भने ४ हजार २८१ मत प्राप्त गर्नु भएको छ ।
