गोरखा, ३ चैत । नेकपा माओबादी केन्द्र पालुङटार नगर समितिको अध्यक्षमा विबस चिन्तन निर्वाचित हुनुभएको छ । आज लोकतान्त्रिक प्रक्रिया मार्फत नगरपार्टी समितिका पदाधिकारीको निर्वाचन गरिएको नेकपा माओबादी केन्द्र पालुङटारले जनाएको छ । निर्वाचन मार्फत अध्यक्षमा चिन्तन निर्वाचित हुनुभएको नगरसमितिका सदस्य असोक मरहट्टाले जानकारी दिनुभयो ।
नगरसमितिको अध्यक्षमा मदन देवकोटा प्रतिस्पर्धामा रहनुभएको थियो । त्यस्तै उपाध्यक्षमा सुमन आर्चाय, ऋषिराज धौराली र शर्मिला बगाले निर्वाचित हुनुभएको उहाँले बताउनुभयो । उपाध्यक्षमा गोबिन्द बराकोटी, मानबहादुर पौडेल र रामचन्द्र तिवारी प्रतिस्पर्धामा हुनुहुन्थ्यो ।
त्यस्तै नगरसमितिको सचिवमा शंकर कंडेल सहसचिवमा बुद्धी गुरुङ निर्वाचित हुनुभएको सदस्य मरहट्टाले जानकारी दिनुभयो । नगरसमितिको सचिवमा आशिष देवकोटा र सहसचिवमा बसन्त देवकोटा र तारा तामाङ प्रतिस्पर्धामा हुनुहुन्थ्यो । नगरसमिकिो कोषाध्यक्षमा भने बिकास भट्टराई सर्वसम्मत चयन हुनुभएको उहाँको भनाई छ ।
नेकपा माओबादी केन्द्रको बिधान अनुसार नगरपार्टीको अधिबेशनबाट निर्वाचित भएको नगरसमितिका सदस्यहरु मध्येबाट नगरसमितिका पदाधिकारीको निर्वाचन गरिएको हो ।
