काठमाण्डौं ३२, साउन । प्रतिनिधिसभाका सभामुख अग्निप्रसाद सापकोटाले अफगानिस्तानमा रहेका नेपालीहरुको यथाशीघ्र ल्याउने व्यवस्था गर्न सरकारलाई निर्देशन दिनुभएको छ । प्रतिनिधिसभाको सोमबार बसेको बैठकमा उहाँले नेपालीहरु सुरक्षित रहने वातावरण बनाउन र यथाशीघ्र ल्याउने व्यवस्था गर्न निर्देशन दिनुभएको हो ।
त्यसअघि प्रमुख प्रतिपक्षी दल नेकपा एमालेले पनि अफगानिस्तानमा रहेका नेपालीहरुको तत्काल उद्दार गर्न माग गरेको थियो । एमाले सांसद गोकुल बास्कोटाले २० वर्षपछि इतिहास दोहोरिएको र दुनियाँसँगै त्यहाँ नागरिकहरु त्रसित रहेको बताउनुभयो ।
सरकार गैरजिम्मेवार भएको भन्दै उहाँले त्यहाँ रहेका नागरिकहरुको रक्षा हुनुपर्ने र फिर्ताको व्यवस्था मिलाउनुपर्ने बताउनुभयो ।
