काठमाण्डौं ३०, साउन । पछिल्लो २४ घण्टामा २,६२४ जनामा कोरोना सङ्क्रमण पुष्टि भएको छ । स्वास्थ्य तथा जनसंख्या मन्त्रालयका अनुसार ८,६६७ एन्टिजेन परीक्षणमा १,९४७ र ४,९०६ एन्टिजेन परीक्षणमा ६७७ जना गरी २,६२४ जनामा कोरोना सङ्क्रमण पुष्टि भएको हो ।
मन्त्रालयका अनुसार कोरोना सङ्क्रमणका कारण पछिल्लो २४ घण्टामा २० जनाको मृत्यु भएको छ भने १,३२० जना सङ्क्रमणमुक्त भएका छन् । हालसम्म नेपालमा कोरोना भाइरस सङ्क्रमितको संख्या ७ लाख ३० हजार ४७९ पुगेको छ ।
जस मध्ये ६ लाख ८० हजार ८१५ जना सङ्क्रमणमुक्त भएका छन् भने १० हजार २५९ जनाको मृत्यु भएको छ । देशभर कोरोना भाइरसको सक्रिय सङ्क्रमितको संख्या ३९ हजार ४०५ जना रहेको छ । जसमध्ये ३६ हजार २ जना होम आइसोलेसनमा र ३४०३ जना संस्थागत आइसोलेसनमा छन् ।
संस्थागत आइसोलेसनमा रहेका मध्ये ७६० जना सघन उपचार कक्षमा र तीमध्ये १८६ जना भेन्टिलेटरको सहायताले उपचार गराइरहेका छन्। पछिल्लो २४ घण्टामा काठमाडौं उपत्यकामा ७९५ जना सङ्क्रमित भेटिएका छन् ।
