काठमाण्डौ २७, साउन । जल तथा मौसम पूर्वानुमान महाशाखाले आज गण्डकी प्रदेशका केही क्षेत्रमा दिउँसो ठूलो बर्षाको सम्भावना रहेको जनाएको छ । महाशाखाले आज नै काठमाडौं उपत्यकाका केही ठाउँमा दिउँसोपछि ठूलो पानी पर्ने सम्भावना रहेको बताएको छ ।
महाशाखाका अनुसार आज बागमती प्रदेश, प्रदेश १, प्रदेश २, गण्डकी र लुम्बिनी प्रदेशका केही ठाउँमा ठूलो वर्षा हुने सम्भावना छ । यस्तै, आजराति पनि प्रदेश १, प्रदेश २, वाग्मती र गण्डकी प्रदेशको एक दुई ठाउँमा मेघगर्जनसहित ठूलो पानी पर्ने मौसमविद्ले बताएका छन् ।
