काठमाण्डौं ३०, असार ।नेपालमा कोरोना भाइरसको सङ्क्रमणका कारण थप १८ जनाको मृत्यु भएको छ । स्वास्थ्य तथा जनसंख्या मन्त्रालयका अनुसार गत २४ घन्टामा देशभर १८ जनाको कोरोनाका कारण मृत्यु भएको हो । योसँगै नेपालमा कोरोनाका कारण मृत्यु हुनेको संख्या ९ हजार ४ सय ३० पुगेको छ ।
यस्तै गत २४ घन्टामा थप २ हजार ९ सय ५ जनामा कोरोना भाइरसको सङ्क्रमण पुष्टि भएको छ भने १ हजार ६ सय ६ जना कोरोना सङ्क्रमणमुक्त भएका छन् । हाल नेपालमा सक्रिय सङ्क्रमितको संख्या २६ हजार ६ सय ४७ रहेको छ ।
जसमा २४ हजार ९९ जना होम आइसोलेसनमा छन् भने २ हजार ५ सय ४८ जना संस्थागत आइसोलेसनमा भर्ना भएका छन् । संस्थागत आइसोलेसनमा भर्ना भएकामध्य ५ सय ९९ जना आईसीयूमा उपचाररत भने १ सय ७२ जना भेन्टिलेटरमा भर्ना भएका छन् ।
