गोरखा, २८ बैशाख । पृथ्वीराजमार्ग अन्तरगत पर्ने तनहुँको आँबुखैरेनी गाउँपालिका–४ मा पर्ने मस्र्याङ्दी हाइड्रोपावर नजिकै ट्रक त्रिशुली नदीमा खसेको छ । भुस बोकेको ना ३ ख ९९७३ नम्बरको ट्रक पृथ्वीराजमार्गबाट करिब १सय मिटर तल नदीमा खसेर दुर्घटना भएको जिल्ला प्रहरी कार्यालय तनहुँले जनाएको छ ।
दुर्घटनामा परि ट्रकका चालक बाग्लुङको गल्कोट नगरपालिका ८ बस्ने बर्ष ३७ को जय कंडेल सहचालक सोही ठाउँका बर्ष ३५ को मिन कंडेलको घट्नास्थलमा नै मृत्यु भएको प्रहरीको भनाई छ । मंगलबार बिहान भएको घटनामा उनिहरुको मृत्यु भएको छ ।
घटनाको जानकारी पाएलगत्तै उद्धारका लागि पुुगेको प्रहरी टोलीलाई दुवै जनालाई मृत्यु भईसकेको अबस्था शव निकालेको प्रहरीले जनाएको छ। तस्विर :राजेन्द्र न्यौपाने
