काठमाडौं २०, बैशाख । नेपाल कम्युनिष्ट पार्टी माओबादी केन्द्र निकट गण्डकी र सुदूरपश्चिम प्रदेश प्रमुखलाई पदमुक्त गर्न सरकारले राष्ट्रपतिसमक्ष सिफारिस गरेको छ ।
प्रधानमन्त्री निवास बालुटारमा बसेको मन्त्रिपरिषद् बैठकले गण्डकी प्रदेश प्रमुख अमिक शेरचन र सुदूरपश्चिम प्रदेश प्रमुख शर्मिला त्रिपाठीलाई हटाउन राष्ट्रपति विद्यादेवी भण्डारीसमक्ष सिफारिस गर्ने निर्णय गरेको स्रोतले जनाएको छ ।
बैठकले गण्डकीमा नयाँ प्रदेश प्रमुखका रुपमा सीता पौडेल र सुदूरपश्चिममा नयाँप्रदेश प्रमुखको रुपमा गंगाप्रसाद यादवलाई नियुक्तको गरेको बताइएको छ ।
नवनियुक्त प्रदेश प्रमुखको आजै राष्ट्रपति भवन शीतल निवासमा सपथ ग्रहणको कार्यक्रम तय गरिएको स्रोतले जनाएको छ ।
