गोरखा ३०, चैत । गोरखा नगरपालिका ८ स्थित सरस्वती माध्यमिक बिधालयमा नेकपा माओबादी केन्द्र निकट विधार्थी संगठन अखिल क्रान्तिकारी गठन भएको छ । कक्षा ११ मा अध्यनरत विधार्थी सुमन थापा मगरको अध्यक्षतामा ६२ सदस्यीय कमिटी गठन गरिएको हो ।
नवगठित कमिटीको उपाध्यक्षमा आयुषा अर्याल, भावना कट्टेल , पुष्कर थापा मगर, समिका गुरूङ, एलिना कार्कीलाई चयन गरिएको अखिल क्रान्तिकारीका केन्द्रीय सदस्य राजन आलेमगरले जानकारी दिनुभयो ।
सचिवमा बिक्रम राना मगर, कोषाध्यक्षमा रोशन राना मगर, सहसचिवहरूमा सुमन नेपाली , सुमन श्रेष्ठ ,आशिष वराम, चयन भएको केन्द्रीय सदस्य आलेमगरले बताउनु भयो ।
बिधार्थी नेता नवीन घिमिरेले सञ्चालन गर्नु भएको कार्यक्रममा विशेष अतिथि बुद्धिजीवी लाल प्रसाद श्रेष्ठ , विधार्थी नेताहरू सुलभ अंगाई, अनिष अर्याल लगाएतको सहभागिता रहेको थियो ।
