पोखराको सेती नदीको खोचमा अड्किएका १ जनालाई यही माघ २७ गते नेपाल प्रहरीको उद्दार समूहले सकुशल उद्दार गरेको छ ।
पोखरा महानगरपालिका वडा नम्बर ९ पार्वती टोल स्थित रहेको सेती नदीको खोचमा आफ्नो कुकुर अड्किएपछि उक्त कुकुरलाई बचाउन लाग्दा सोही स्थान बस्ने वर्ष २३ का आकाश गुरुङ खोचमा खस्नु भएको थियो ।
खोचमा खसेका गुरुङलाई स्थानीयहरूले देखेपछी प्रहरीलाई खबर गरे पश्चात तत्कालै गण्डकी प्रदेश सशस्त्र प्रहरी गण पोखराको उद्दार समूह र वडा प्रहरी कार्यालय वैदाम कास्कीको प्रहरी टोली उक्त स्थानमा उद्दारको लागि खटिएको थियो ।
प्रहरीले गुरुङलाई उक्त खोचमा अड्किएको देखेपछि खोचबाट सकुशल उद्दार गरेको जनाएको छ। उद्दार गरिएका गुरुङको अवस्था सामान्य रहेको छ ।
