गोरखा २, माघ । गोरखाको शहिद लखन गाउँपालिकाका युवाहरुका लागि ४५ दिने मोवाइल तालिम शुक्रबारदेखि सुरु भएको छ । गाउँपालिकाको वडा नम्बर ६, ७ र ८ का २० जना युवाहरुलाई घरेलु तथा साना उद्योग कार्यालय गोरखाको आयोजनामा तालिम सञ्चालन गरिएको हो ।
दक्ष प्रबिधिकहरुबाट दिइने तालिमबाट युवाहरुलाई स्वरोजगार बनाउन लक्ष्य रहेको कार्यालय जनाएको छ । तालिमको एक कार्यक्रमका बिच गाउँपालिका अध्यक्ष रमेश थापामगरले उद्घाटन गर्नुभएको हो ।
उद्घाटन कार्यक्रममा गाउँपालिकाकी उपाध्यक्ष इन्दिरा तिवारी, वडा नम्बर ७ का वडाध्यक्ष शरण श्रेष्ठ, वडा नम्बर ८ का वडाध्यक्ष काशिनाथ अम्गाई, गाउँपालिकाका प्रमुख प्रशासकिय अधिकृत जीवन आलेमगर लगायतको सहभागिता रहेको थियो ।
