गोरखा, १५ पुस । गोरखा नगरपालिका–१० स्थित बिरिन्चोक सामुदायिक होमस्टे नयाँ बन्न लागेकोे सामुदायिक भवनको बुधबार शिलन्यास गरिएको छ । गोरखा नगरपालिका गोरखाका प्रमुख राजनराज पन्तले एक कार्यक्रमका बिच भवनको शिलन्यास गर्नुभएको हो । गण्डकी प्रदेश उद्योग पर्यटन बन तथा बाताबरण मन्त्रालय पोखरा तथा तारा गाउँ बिकास केन्द्रको आर्थिक सहयोगमा सामुदायिक भवन निर्माण गर्न लागिएको बिरेन्चोक होमस्टे सञ्चालक समितिका सल्लाहकार कमला रानाले जानकारी दिनुभयो ।
भवन निर्माणका लागि मन्त्रालयबाट १० लाख रुपैया र केन्द्रले रु ६ रुपैया बिनियोजन गरेको उहाँले बताउनुभयो । ‘तत्कालका लागि एउटा सभाहल र एउटा अफिस कोठा निर्माण गर्ने योजनामा हामी छौ, उहाँले भन्नुभयो, ‘आबश्यकता अनुसार थप गर्ने योजना होमस्टेको रहेको छ ।’ होमस्टे सञ्चालनमा ल्याउनका लागि तारा गाउँ बिकास केन्द्र, गोरखा नगरपालिका लगायतले यसअघि पनि सहयोग उपलब्ध गराएको सल्लाहकार रानाले जानकारी दिनुभयो ।
‘होमस्टे सञ्चालनका लागि प्रत्येक घरमा चरेसको थाल २/२ सेट, शौचालय निर्माणका लागि सहयोग, खानेपानीको व्यवस्थापनका लागि ट्याङकी खरिदका लागि आर्थिक सहयोग प्राप्त भएको थियो, उहाँले भन्नुभयो, ‘अहिलेसम्म करिब २२ लाख ५० हजार रुपैया सहयोग प्राप्त भइसकेको छ ।’ शिलन्यास कार्यक्रमलाई सम्बोधन गर्नुहुदै नगरप्रमुख पन्तले बिरेन्चोक सामुदायिक होमस्टे दर्ता गरिएको एक भित्रमा उल्लेख सफलता हासिल गरेको बताउनुभयो ।
उहाँले बिरेन्चोक होमस्टेले ऐतिहासिक, साँस्कृतिक सम्पदा भेषभुषा आदि जर्गेना गर्न लागि परेको बताउनुभयो । नगरप्रमुख पन्तले होमस्टेका सामुदायिक भवन निर्माण गर्दै जाँदा अपुग रहेको खण्डमा नगरपालिकाले सहयोग गर्ने प्रतिबद्धता व्यक्त गर्नुभयो । कार्यक्रममा बोल्दै वडा नम्बर १० का वडाध्यक्ष देवीबहादुर बस्नेतले होमस्टे सञ्चालन सुरु भएदेखि अहिलेसम्म एक बर्षमा बिरिन्चोकमा पर्यटन प्रर्बद्धन लगायत यहाँको कलासंस्कृतिको संरक्षणमा समेत टेवा पुगेको बताउनुभयो ।
कार्यक्रममा बोल्दै पत्रकार महासंघ गोरखाका अध्यक्ष किशोरजंग थापाले सदरमुकाम नजिकै रहेको यस होम स्टेमा पाहुनाहरुको रोजाई बन्दै गइरहेको परिप्रेक्ष्यमा सास्कृतिक कार्यक्रमहरु , परिकारहरु र अन्य मौलिकता झल्कने रितिरिवाजहरुलाई अध्ययन गर्ने उद्देश्यले पनि पाहुनाहरु आउने हुनाले त्यस्ता विषयलाई पनि समेटेर योजना बनाउन आग्रह गर्नुभयोे ।
बिरिन्चोक सामुदायिक होमस्टेका अध्यक्ष सम्झना राना मगरको अध्यक्षतामा भएको शिलन्यास कार्यक्रममा सामुदायिक बन उपभोक्ता समिति , खानेपानी उपभोक्ता समिति , टोल बिकास समिति, समाजसेवी, व्यावसायी, नागरिक समाज सहित ४३ जनाको उपस्थिति रहेको थियोे ।
