अस्मिता सिंखडा
गोरखा ११ भदौँ : रसुवाको भोटेकोशी नदीमा बुधबार बिहान आएको बाढीका कारण त्यस क्षेत्रमा विभिन्न कामका सिलसिलामा रहेका गोरखाका ५१ जना नागरिक सम्र्पक विहिन भएका छन् । जिल्ला प्रशासन कार्यालय गोरखाले हालसम्म जिल्लाका ५१जना सम्पर्कविहीन अवस्थामा रहेका विहिबार सार्वजनिक गरेको हो । प्राप्त विवरणअनुसार गोरखा जिल्लाका विभिन्न स्थानीय तहका नागरिकहरु बाढीका कारण मानिसहरू सम्पर्कविहीन भएका छन् ।
जसमा पालुङटार नगरपालिकाका २८ जना, शहिद लखन गाउँपालिकाका ७ जना, धार्चे गाउँपालिकाका ३ जना, अजिरकोट गाउँपालिकाका ३ जना, आरुघाट गाउँपालिकाका १ जना, गण्डकी गाउँपालिकाका १ जना रहेका छन् ।
बारपाक सुलिकोट गाउँपालिकाका ६ जना र गोरखा नगरपालिकाका २ जना रहेका सहायक प्रमुख जिल्ला अधिकारी नेत्रप्रसाद शर्माले जानकारी दिनुभयो । वेपत्ताहरुको खोजीका लागि सवै पहल भइरहेको कार्यालयले जनाएको छ ।
