गोरखा १२ साउन । चिनारी बहुउद्देश्यीय व्यावसायिक सिकाइ केन्द्रद्वारा आयोजित विभिन्न विधाको सीप सिकाइ तथा क्षमता विकास तालिमको सोमबार उद्घाटन गरिएको छ । वडा नम्बर ७ मा सञ्चालित उक्त तालिमको उद्घाटन वडाध्यक्ष विष्णु प्रसाद श्रेष्ठको प्रमुख आतिथ्यमा सम्पन्न भएको हो ।
पाँच दिनसम्म सञ्चालन हुने सो तालिममा वडाका विभिन्न क्षेत्रबाट ४६ जना दिदीबहिनीहरूको सहभागिता रहेको छ। स्थानीय महिलाहरूको सीप र क्षमता अभिवृद्धि गर्ने उद्देश्यका साथ तालिमको आयोजना गरिएको हो ।
उद्घाटन कार्यक्रममा वडा सदस्यहरू सरस्वती गुरुङ, बिबा अच्छामी र खड्कप्रसाद श्रेष्ठको उपस्थिति थियो। त्यसैगरी, कार्यक्रममा संस्थाका सल्लाहकार तुलसा मरहटा तथा अतिथिहरू शर्मीला वाग्ले र सुर्यमाया श्रेष्ठको पनि सहभागिता रहेको थियो।
