गोरखा, १० साउन । राष्ट्रिय विभूति मुख्तियार भीसमेन थापाको २५२ औँ जन्मजयन्ती शनिबार गोरखामा बिभिन्न कार्यक्रम गरि मनाइएको छ । थापाको जन्मथलो भीमसेन थापा गाउँपालिका–८, बोर्लाङमा एक कार्यक्रमका बीच जन्मजयन्ती मनाइएको हो ।
भीमसेन थापा बोर्लाङ प्रतिष्ठान र भीमसेन थापा गाउँपालिका वडा नम्बर ७ र ८ को संयुक्त आयोजनामा थापाको पुर्खौलीथलोमा जन्मजन्यन्तीको अवसरमा ठाँटीबजारदेखि भीमसेन थापाको हवेली दरबारसम्म पन्चेबाजासहित नाचगान एवं ¥याली निकालिएको वडा नम्बर ७ का वडाध्यक्ष नारायण श्रेष्ठले जानकारी दिनुभयो ।
कार्यक्रममा भीसमेन थापा गाउँपालिका अध्यक्ष लोकप्रसाद बन्जारा, वडाध्यक्षहरु, प्रतिष्ठानका पदाधिकारी एवं सदस्यहरु र स्थानीयबासीहरुद्धारा हवेली दरबारमा रहेको थापाको शालिकमा माल्र्यापण गरिएको थियो ।
कार्यक्रमलाइलाई सम्बोधन गर्नुहुँदै गाउँपालिकाका अध्यक्ष लोकप्रसाद बन्जराले भीमसेन थापाको योगदानको चर्चा गर्नुभयो । राष्ट्रिय विभूति थापाको निस्वार्थ भावले उहाँले अहिले सवैले सधै स्मरण गर्ने ठाउँमा पु¥याएको बताउनुभयो । अध्यक्ष बन्जराले थापाको नाममा रहेको हवेली दरवारको पुर्ननिर्माणको काम तत्काल अघि बढाउन गाउँपालिकाले पहल गरिरहेको उल्लेख गर्नुभयो । ‘‘पुरातत्व विभाग अन्र्तगत पर्ने भएकाले पालिका चाहाने वित्तिकै काम अगाडी बढाउन सक्ने अवस्था छैन्, उहाँले भन्नुभयो, ‘‘पुरातत्व विभागसंग आवश्यक छलफल र समन्व्य भइरहेको छ, गाउँपालिकाको तर्फवाट विभागलाई तत्काल काम अगाडी बढाउन दवाव दिइरहेका छौँ ।’’ भीमसेन थापा बोर्लाङ प्रतिष्ठानका अध्यक्ष राजु थापाको अध्यक्षतामा कार्यक्रम सम्पन्न भएको हो ।
यस्तै भीमसेन थापा स्मृति प्रतिष्ठानको आयोजनामा राष्ट्रिय विभूति थापाको सम्झना र सम्मानमा मामाको घर गोरखा नगरपालिका–४ सतिपिपलस्थित भीमसेन थापा स्मृतिपार्कमा माल्र्यापणलगायतको कार्यक्रम गरिएको प्रतिष्ठानका अध्यक्ष अर्जुनप्रताप राणाले जानकारी दिनुभयो ।
पिपलथोकमा आयोजित कार्यक्रममा गोरखा नगरपालिकाका नगरप्रमुख कृष्णबहादुर रानामगरलगायतले उहाँको शालिकमा माल्र्यापण गर्नुभएको थियो ।
राष्ट्रिय स्वाभिमान, स्वाधीनता र स्थायित्वका लागि अग्रेजसंग युद्ध लड्नु भएका थापा तत्कालीन राजदरबारको बिभिन्न षडयन्त्रमा परेर बन्दी अवस्थामा बि.स १८९६ साउन ८ गते प्राण त्याग गर्ने प्रयास गर्नुभएको थियो ।
सोही घटनाको ८ दिनपछि उहाँले वीरगति प्राप्त गर्नुभएको इतिहासमा उल्लेख छ । भीमसेन थापाले २३ बर्षको उमेरमा नै सरदार पदवी प्राप्त गर्न सफल हुनुभएको थियो ।
