गोरखा ९ साउन । आँबुखैरेनी पोखरा सडकखण्डमा ट्याक्टर चलाइरहेका बेला चक्कर लागेर ढलेका गोरखाका एक ट्याक्टर चालकको प्रहरीले उद्धार गरेको छ । पृथ्वी राजमार्गअन्तर्गत तनहुँको व्यास नगरपालिका–५, चापाघाटमा सवारी चलाउँदै गर्दा एक्कासी चक्कर लागेर ढलेका ट्याक्टर चालकको प्रहरीले गरेको जिल्ला प्रहरी कार्यालय तनहुँले जनाएको छ ।
गोरखाको सिरानचोक गाउँपालिका–५, छोप्राक स्थायी घर भएका २६ वर्षीय सुजन बिकको प्रहरीले तत्काल उद्धार गरी उपचारका लागि अस्पताल पु¥याएको थियो । शुक्रबार बिहान करिब ११ः१५ बजेको समयमा आफैले चलाइरहेको ग १ त ७२१७ नम्बरको ट्रयाक्टर चलाउदा चलाउँदै चक्कर लागेर ढलेका थिए ।
वि.क टयाक्टर मर्मतका लागि गोरखाबाट पोखरातर्फ लैजाँदै थिए । बाटोमा गुडिरहेकै अवस्थामा चालक बिकलाई एक्कासी चक्कर लागेर अचेत भई ढलेको खबर प्राप्त हुनासाथ जिल्ला प्रहरी कार्यालय तनहुँबाट खटिएको टोलीले तत्काल घटनास्थलमा पुगी उद्धार गरेको थियो ।
उनलाई तत्कालै एम्बुलेन्सको व्यवस्था गरी उपचारका लागि प्रदेश अस्पताल, दमौली पठाइएको जिल्ला प्रहरी कार्यालय तनहुँले जनाएको छ ।
