गोरखा १३ जेठ ः गोरखा सदरमुकाममा बिहानै माईक्रोले ठक्कर दिदा १ पुरुष घाईते भएका छन् । घाईते हुनेमा गोरखा नगरपालिका–६ बोसेपानी निवासी ५३ बर्षका कुशुमलाल श्रेष्ठ भएको जिल्ला ट्राफिक प्रहरी कार्यालय गोरखाले पुष्टी गरेको छ ।
बुधबार बिहान ५ः२५ बजेको समयमा बा.प्र. ०१–००६ ख ६३२३ नम्बरको माईक्रोले ठक्कर दिएको हो । घाईते श्रेष्ठको गोरखा अस्पतालमा उपचार नभएपछी सदरमुकाममा नै रहेको गोरखा एनपिआई अस्पतालमा उपचार भइरहेको छ । उनको टाँउको र शरिरको विभिन्न भागमा चोट लागेको छ ।
गोरखाबाट काठमाडौं जादै गरेको उक्त माईक्रो प्यासेन्जर हाल्नको लागि हरमटारीदेखि ब्याकमा आएको र सडक किनारामा हिडीरहेका श्रेष्ठलाई ठक्कर दिएको प्रत्यक्षदर्शीले बताएका छन् ।
माइक्रोले ठक्कर दिए लगत्तै कराउदा समेत माइक्रो ब्याक भइरहदा उनि माईक्रो मुनी परेको र केही मिटर धसारीएका थिए । तत्कालै माईक्रो अगाडी बढाएर श्रेष्ठलाई उद्दार गरि उपचारको लागी अस्पताल पठाइएको थियो ।
हरमटारीदेखी कालिमाटी चोकसम्म ब्याक गरेर आएको उक्त माईक्रो चालकका लापरवाहीका कारण उक्त घटना भएको हो । प्रहरीले घटनामा संलग्न माईक्रो र त्यसका चालक पालुङटार नगरपालिका–१ खोप्लाङका नारायण कुवरलाई नियन्त्रणमा लिएर अनुसन्धान सुरु गरेको जनाएको छ ।
