गोरखा, १२ चैत । गोरखाको बारपाक सुलिकोट गाउँपालिकाले गरिब घरपरिवार पहिचान गरी राज्यबाट प्रदान गरिने सेवा सुविधा प्रभावकारी रूपमा वितरण गर्ने उद्देश्यले तथ्याङ्क सङ्कलन कार्य सुरु गर्ने भएको छ ।
गाउँपालिकाले आफ्नो क्षेत्रभित्र रहेका गरिब घरपरिवारको पहिचान गरी राज्यबाट उपलब्ध हुने सेवा सुविधा लक्षित वर्गसम्म पु¥याउने उद्देश्यले गरिब घरपरिवार पहिचान कार्यक्रम सञ्चालन गर्ने भएको हो । यसका लागि गाउँपालिकाले तथ्याङ्क सङ्कलन कार्य सञ्चालन गर्न गणक भर्नाको काम सुरु भएको गाउँपालिकाले जनाएको छ ।
भूमि व्यवस्था, सहकारी तथा गरिबी निवारण मन्त्रालयद्वारा विकास गरिएको गरिव घर परिवार व्यवस्थापन सूचना प्रणालीमार्फत गरिब घरपरिवारको विवरण सङ्कलन गाउँपालिका अध्यक्ष बिष्णुप्रसाद भट्टले जानकारी दिनुभयो । सोही कार्यका लागि गाउँपालिकाले एक जना गणक माग गरेको हो ।
गाउँपालिकाले गरिब घरपरिवार पहिचान कार्यका लागि सङ्कलन गरिने तथ्याङ्कका आधारमा वास्तविक गरिब तथा विपन्न परिवारलाई राज्यबाट प्रदान गरिने सेवा सुविधा, सामाजिक सुरक्षा, आयआर्जन कार्यक्रम तथा अन्य सहयोग लक्षित वर्गसम्म पु¥याउन सहयोग पुग्ने विश्वास लिएको छ ।
यो कार्यक्रमले गाउँपालिकाभित्र रहेका वास्तविक गरिब तथा विपन्न परिवारको यथार्थ विवरण संकलन गरी उनीहरूको जीवनस्तर सुधारका लागि आवश्यक योजना तथा कार्यक्रम निर्माण गर्न समेत सहयोग पुग्ने गाउँपालिकाले जनाएको छ ।
