गोरखा, १७ फागुन । नेपाली कांग्रेस गोरखाले क्षेत्र नं. १ का प्रतिनिधिसभा उम्मेदवार प्रेम बहादुर खत्रीको नाम जोडेर केही अनलाइन सञ्चारमाध्यममा प्रकाशित समाचारप्रति गम्भीर आपत्ति जनाएको छ । जिल्ला कार्यसमिति, गोरखाद्वारा जारी प्रेस विज्ञप्तिमा उक्त समाचारहरू कपोलकल्पित, आधारहीन तथा भ्रमपूर्ण रहेको उल्लेख गरिएको छ ।
विज्ञप्तिमा अनलाइन माध्यमबाट “एस डि हिमालयका सञ्चालक प्रेमबहादुर खत्रीमाथि फेक रेस्क्यु प्रकरणमा छानबिन सुरु” शीर्षकमा समाचार प्रकाशित गरिएको प्रति काग्रेस गोरखाले आपत्ती जनाएको छ । नेपाली कांग्रेस गोरखाले उक्त समाचार पूर्णतः असत्य र नियोजित रूपमा प्रकाशित गरिएको दाबी गरेको छ ।
यहीँ फागुन २१ गते हुने प्रतिनिधिसभा सदस्य निर्वाचनलाई प्रभावित पार्ने उद्देश्यले प्रचार–प्रसार गरिएको पार्टीका जिल्ला सभापति नन्दप्रसाद न्यौपानेद्धारा हस्ताक्षरित विज्ञप्तिमा उल्लेख छ । विज्ञप्तिमा सञ्चार माध्यममा आएका यस्ता समाचारले उम्मेदवारको प्रतिष्ठामा आँच पु¥याउने, चरित्रहत्या गर्ने तथा मतदातालाई भ्रमित पार्ने नियतले सार्वजनिक काग्रेस गोरखाको दावी छ । पार्टीले यस्ता गतिविधि निर्वाचन आचारसंहिता २०८२ र पत्रकार आचारसंहिताविपरीत भएको ठहर गर्दै गम्भीर आपत्ति प्रकट गरेको छ ।
साथै, यस्ता कार्यमा संलग्न पक्षविरुद्ध प्रचलित कानुनबमोजिम कानुनी कारबाही गर्न माग गरिएको छ । नेपाली कांग्रेस गोरखाले गोरखा क्षेत्र नं. १ का सम्पूर्ण मतदातालाई कुनै पनि भ्रामक प्रचारप्रसारबाट प्रभावित नहुन आग्रह गरेको छ ।
जिल्ला सभापति न्यौपानेद्वारा हस्ताक्षरित विज्ञप्तिमा निष्पक्ष र स्वच्छ निर्वाचनका लागि सबै राजनीतिक दल, सञ्चारमाध्यम तथा सरोकारवालाले जिम्मेवार भूमिका निर्वाह गर्नुपर्ने उल्लेख गरिएको छ ।
