गोरखा, २७ माघ । गोरखामा आज(बुधबार) देखि पाठेघरको मुखको क्यान्सरविरुद्ध प्रभावकारी मानिने एचपीभी खोप अभियान सञ्चालन हुँदैछ । राष्ट्रिय खोप कार्यक्रमअन्तर्गत गोरखामा भोलीदेखि ह्युमन प्यापिलोमा भाइरसविरुद्धको एचपीभी खोप लगाइने एचपिभि खोपका फोकल पर्सन नानीबाबु दानीले जानकारी दिनुभयो । अभियानमा कक्षा ६ मा अध्ययनरत सबै छात्रा तथा विद्यालयबाहिर रहेका १० वर्ष उमेरका बालिकालाई खोप दिइने उहाँले बताउनुभयो ।
यस्तै, गएको वर्षको एचपीभी खोप अभियानमा छुटेका कक्षा ७ देखि १० सम्म अध्ययनरत छात्रा तथा विद्यालयबाहिर रहेका ११ देखि १४ वर्ष उमेर समूहका किशोरीलाई पनि यो खोप दिइने व्यवस्था गरिएको छ । खोप अभियानमा गोरखामा १ हजार ८ सय ८५ छात्रालाई खोप लगाइने छ । प्रदेश जनस्वास्थ्य कार्यालयका अनुसार गोरखाका ११ वटै स्थानीय तहमा माघ २७ भोलीबाट खोप सुरुहुने खोप फागुन १ गते सम्म सञ्चालान हुनेछ । एचपीभी खोप कार्यक्रममा गोरखा नगरपालिकाबाट ५ सय ३९ जना बालिका लाभान्बित हुनेछन् ।
त्यसैगरी पालुङटार नगरपालिकामा २ सय ४५ जना,चुमनुब्री गाउँपालिकामा २२ जना, धार्चे गाउँपािलकाका १ सय ५१ जना, आरुघाट गाउँपालिकामा १ सय ७५ जना बालिकाहरुलाई खोप लगाई एचपिभि खोपका फोकल पर्सन दानीले बताउनुभयो । भिमसेन थापा गाउँपालिकामा १ सय ४ जना,बारपाक सुलिकोट गाउँपालिकामा १ सय ३७ जना, सहिद लखन गाउँपािलकाका १ सय ३१ जना बालिका लाभान्बित हुनेछन् ।
त्यैगरी गण्डकी गाउँपालिकाका १ सय ५७ जना, सिरानचोक गाउँपालिकाका १ सय ३३ जना र अजिरकोट गाउँपालिकाका ८० जना बालिकाहरुलाई पाठेघरको मुखको क्यान्सरविरुद्धे एचपीभी खोप लगाईने प्रदेश जनस्वास्थ्य कार्यालय गोरखाले जनाएको छ । खोप लगाउनेमा गोरखा नगरपािलकामा धेरै र चुमनुब्री गाउँपािलकामा सबैभन्दा थोरै बालिका रहेका छन् ।
खोप लगाउन योग्य तर बिद्यालय नजाने गोरखा नगरपालिकामा २ जना, पालुङ्टार नगारपालिकामा १ जना गण्डकी गाउँपालिकामा ३ जना र सिरानचोक गाउँपालिकामा ५ जना गरी ११ जना बालिका रहेका छन् ।
उनिहरुलाई तोकीएको स्वाथ्य चौकीमा खोप लगाईने एचपिभि खोपका फोकल पर्सन नानीबाबु दानीले बताउनुभयो । तोकिएको दिनहरुमा विद्यालय तथा खोप केन्द्रबाट खोप सेवा प्रदान गरिनेछ । कक्षा ६ सञ्चालन हुने सरकारी तथा निजी विद्यालय र स्वास्थ्य संस्थालाई खोप केन्द्र तोकिएको छ ।
खोप सम्वन्धी जानकारी दिन कार्यालयमा आयोजित छलफल कार्यक्रममा प्रमुख काफ्लेले पाठेघरको मुखको क्यान्सरविरुद्वको एचपीभी खोप प्रारम्भिक किशोरावस्थामा दिँदा प्रभावकारी हुने अध्ययनलेहरुले देखाएको पनि जानकारी दिईन । खोप सम्वन्धी जानकारी दिदै एचपिभि खोप सुरक्षित र निशुल्क भएको हुनाले आफ्ना छारीलाई अनिवार्य खोप लगाउन प्रदेश जनस्वाथ्य कार्यलय गोरखाकी प्रमुख सिम्रीक काफ्लले आग्रह समेत गर्नुभएको छ ।
नेपालमा हरेक बर्ष २ हजारभन्दा बढी महिलालाई पाठेघरको मुखको ब्यान्सर हुने गरेको एक अध्ययनले देखाएको छ । महिलामा हुने क्यान्सरमध्ये पाठेघरको मुखको क्यान्सर दोस्रो मुख्य कारण रहेको र क्यान्सरबाट महिलाको ज्यान जाने गरेको छ ।
एचपीभी खोपलाई सरकारले नियमित खोप कार्यक्रममा समावेश गरिसकेको र यो खोप पूर्ण सुरक्षित रहेकाले पायक पर्ने खोप केन्द्रबाट खोपबाट खोप लिएर लाभ लिन समेत जनस्वास्थ्य कार्यलय गोरखाले आग्रह गरेको छ ।
