गोरखा, २३ माघ । भारतको केरला निवासी १ जना युवक गोरखा बजारको एक होटलमा झुण्डीएको अवस्थामा फेला परेको छ । सदरमुकामको लोकतान्त्रिक चोकमा रहेको होटल मिराकलमा बस्दै आएका बिकास नाम गरेका २७ बर्षीय युवक झुण्डीएको अवस्थमा फेला परेको जिल्ला प्रहरी कार्यालय गोरखाका प्रहरी प्रमुख प्रहरी उपरिक्षक भरतबहादुर बिकले जानकारी दिनुभयो । उहाँका अनुसार घुम्न आएका उनी गएको माघ २० गतेदेखी नै उक्त होटलमा बस्दै आएका थिए ।
२२ गते दिउसो १ बजेसम्म पनि उनी नउठेको जानकारी पाए लगत्तै होटलका कर्मचारीहरुले मास्टर कि प्रयोग गरेर ढोका खोली हेर्दा झुण्डीएको अवस्थामा फेला परेको थियो ।
लगत्तै प्रहरीलाई खबर गरेपछी प्रहरीले आवश्यक कानूनी मुचुल्क सहित शव गोरखा अस्पतालको शव गृहमा राखिएको बिकले बताउनुभयो ।
मृत्तकका आफन्त भारतबाट आउदै गरेकोले पोष्टमार्टम पछी शव आफन्तलाई बुझाउने र आवश्यक अनुसन्धान सुरु गर्ने पनि गोरखा प्रहरीले जनाएको छ ।
