गोरखा, २१ माघ । आगामी फागुन २१ गते हुने प्रतिनिधिसभा सदस्य निर्वाचनका लागि निर्वाचन आयोगले छापेर जिल्ला पठाएको मतपत्रको नमूना सार्वजनिक गरिएको छ । आयोगले गोरखा पठाएको दुवै क्षेत्रको मतपत्रको नमूना सार्वजनिक गरिएको हो ।
आयोगले जिल्लामा पठाएको मतपत्र उम्मेदवारको सङ्ख्याका आधारमा पनि मतपत्रको नमूना तयार पारिएको छ । उम्मेदवार धेरै भएका निर्वाचन क्षेत्रका मतपत्रको आकार तुलनात्मक रूपमा ठूलो र कम उम्मेदवार भएका निर्वाचन क्षेत्रमा सानो मतपत्र छापेर पठाएको छ ।
जिल्ला निर्वाचन कार्यालय गोरखाका सूचना अधिकारी रबिलाल सुवेदीका अनुसार गोरखा क्षेत्र नम्बर १ को लागि १२ वटा चुनाव चिन्ह भएको मतपत्र र क्षेत्र नम्बर २ को लागि १० वटा चुनाव चिन्ह भएको मतपत्र रहेका छन् ।
र निर्वाचन आयोगबाट केही दिन अगाडी मात्र प्राप्त उक्क मतपत्र रुजु गरेर पठाएकोले केही दिन भित्रै छापिएर गोरखा आउने पनि उहाँले बताउनुभयो ।
जिल्ला निर्वाचन कार्यालयका अनुसार गोरखा जिल्लामा आसन्न निर्वाचनकोलागि कुल २ लाख २९ हजार ५८ जना बालिकले मतदान गर्न योग्य देखिएको छ । जस अन्तरर्गत क्षेत्र नम्बर १ मा १ लाख २० हजार ५२५ जना र क्षेत्र नम्बर २ मा १ लाख ८ हजार ५३३ जना रहेका छन् ।
