गोरखा, २९ पुस । गोरखाका एक यूवा नेताले स्कुले बालबालिकाहरुलाई न्यानो कपडा बितरण गरेको छ । पालुङटार नगरपालिका–२ आँपपिपल घर भई हाल राजधानी बस्दै आएका दुर्गा श्रेष्ठले ४५ जना बिधार्थीहरुलाई न्यानो कपडा ट्याकसुट बितरण गरेको हो । पालुङटार नगरपालिका–८ धुवाकोटमा रहेको अकला माध्यामिक विधालयका ४५ जना छात्र छात्राहरुलाई न्यानो कपडा उपलब्ध गराएको बिधालयका प्रधानाध्यापक राजन भट्टराईले जानकारी दिनुभयो ।
चम्पावली हाइड्रोपावर लिका सञ्चालक समेत रहेका श्रेष्ठ यूवा ब्यवसायी समेत हुनुहुन्छ । उहाँले राजधानीको विभिन्न स्थानमा मदिराको थोक बिक्रेता पसल सञ्चालन गर्दै आउनुभएको छ ।
न्यानो कपडा बितरण कार्यकममा बिधालयका प्रधानाध्यापक भट्टराई सहित बिधालयका कर्मचारी तथा बिधार्थीहरुको उपस्थिती रहेको थियो ।
