गोरखा १८ कात्तिक अराजक अभिव्यक्ति दिएको आरोपमा डा. निकोलस भुसाल आज गोरखाबाट पक्राउ परेका छन् । गोरखा नगरपालिका–८ रानीवनस्थित सरस्वती आश्रमबाट भुसाललाई पक्राउ गरिएको जिल्ला प्रहरी कार्यालय गोरखाका सूचना अधिकारी एवं प्रहरी नायव उपरीक्षक (डिएसपी) राजकुमार श्रेष्ठले जानकारी दिनुभयो ।
दिउँसो २ बजेको समयमा विशेष सूचनाको आधारमा आश्रमबाट उनलाई नियन्त्रणमा लिइएको उहाँको भनाई छ । पक्राउ परेका भुसाललाई आज नै काठमाडौँ पठाउने तयारी भइरहेको डिएसपी श्रेष्ठले बताउनुभयो ।
उनले सामाजिक सञ्जालमार्फत प्रधानमन्त्री सुशिला कार्की, पूर्वप्रधानमन्त्री केपी शर्मा ओली, पूर्वगृहमन्त्री रमेश लेखकका बिरुद्ध अभिव्यक्ति दिएको आरोप लागेको छ ।
