काठमाडौं,२८ असोज । नेपाली कांग्रेसका सभापति शेरबहादुर देउवाले सरकारले चुनाव हुने विश्वासिलो वातावरण नै बनाउन नसकेको टिप्पणी गरेका छन् ।
गत भदौ २४ गते निवासमै जेनजी प्रदर्शनकारीबाट आक्रमणमा परेका देउवा ३४ दिनपछि मंगलबार पहिलोपटक सार्वजनिक भएका थिए । केन्द्रीय कार्यसमिति बैठकलाई सम्बोधन गर्दै चुनाव हुने सहज वातावरण भए सबै दल निर्वाचनमा सहभागी हुने पनि बताउनुभयो ।
‘चुनाव हुने सहज वातावरण भए सबै दल निर्वाचनमा सहभागी हुन्छन । तर सरकारले विश्वासमा लिने काम गरेको छैन,’ उहाँले भन्नुभयो । प्रतिनिधि सभाको आगामी निर्वाचन फागुन २१ गतेलाई तोकिएको छ । सरकारले दलहरूसँग संवाद नगरेको आरोप लागिरहेको छ ।
केही दिनअघि राष्ट्रपति रामचन्द्र पौडेलले सर्वदलीय बैठक बोलाउनुभएको थियो । प्रधानमन्त्री सुशीला कार्कीसमेत सहभागी उक्त सर्वदलीय बैठकमा दलहरूका तर्फबाट दोस्रो तहका नेता सहभागी थिए ।
