गोरखा, ४ असोज । “ज्ञान, विज्ञान, सीप, उद्यम र मौलिकता ः साझेदारी र प्रगतियुक्त सक्षमता” भन्ने मूल नाराका साथ भिमसेनथापा गाउँपालिका शिक्षा शाखाको आयोजनामा राष्ट्रिय शिक्षा दिवस २०८२ विहिवबार बिभिन्न कार्यक्रम मनाइएको छ । गाउँपालिका शिक्षा शाखाको आयोजनामा पालिकाको सभाहलमा भएको कार्यक्रममा उत्कृष्ट शैक्षिक उपलब्धि हासिल गर्ने विद्यार्थी तथा शिक्षकलाई सम्मान गरिएको हो ।
गाउँपालिका शिक्षा शाखाले शैक्षिक सत्र २०८१ मा पालिका भित्र कक्षा ८ अन्र्तगतका ६ जना बिषयगत बिषयगत शिक्षक, कक्षा १० अन्र्तगत ९ जना, कक्षा १२ तर्फका ११ जना शिक्षकलाई सम्मान गरेको गाउँपालिका सामाजिक विकास शाखाका प्रमुख नारायण श्रेष्ठले जानकारी दिनुभयो । त्यस्तै पालिका भित्र कक्षा ५ तर्फ उत्कृष्ट जिपिए प्राप्त गर्ने रविन्द्र ज्वोती, शान्ति मा.विका एकएक जना र सरस्वती मा.विका २ जना, बिन्द्रावती मा.विका २ जना, दुल्लभ मा.विका २ जना विद्यार्थीलाई पुरस्कृत गरेको छ ।
विद्यालयतर्फ कक्षा ५ मा उत्कृष्ट जिपी ल्याउन विन्द्रवती मावि, संस्कृति मा.वि, शान्ति मावि, र पाटनदेवी माविलाई गाउँपालिकाले सम्मान गरेको छ । गाउँपालिकाले शैक्षिक सत्र २०८१ मा कक्षा १२ तर्फ सतप्रतिसत विद्यार्थी उर्तिण गराउन सफल ९ वटा विद्यालयका ४८ जना शिक्षकलाई पनि सोही अवसरमा सम्मान गरिएको प्रमुख श्रेष्ठले जानकारी दिनुभयो । त्यस्तै शैक्षिक सत्र २०८१ अन्र्तगत एसइई परीक्षामा पालिका भित्र सतप्रतिसत विद्यार्थी उर्तिण गराउन सफल ११ विद्यालयका ४० जना शिक्षकलाई पनि सम्मान गरेको उहाँले बताउनुभयो ।
सोही अवसरमा गाउँपालिकाको शैक्षिक क्षेत्रमा विशेष योगदान पु¥याउनु हुने शिक्षक भूमि गोतामे, सीता अधिकारी, रामचन्द्र लामिछाने, उत्तरनारायण श्रेष्ठ र गिरीराज लामिछाने पनि गाउँपालिकाले सम्मान गरेको सामाजिक विकास शाखा प्रमुख श्रेष्ठले बताउनुभयो । गाउँपालिका सामाजिक विकास शाखाका प्रमुख नारायण श्रेष्ठको अध्यक्षतामा भएको कार्यक्रममा गाउँपालिकाका अध्यक्ष लोकप्रसाद बन्जराको प्रमुख आतिथ्यता रहेको थियो ।
कार्यक्रममा गाउँपालिकाकी उपाध्यक्ष अमृतादेवी वस्ती भट्ट, गाउँपालिकाका प्रमुख प्रशासकीय अधिकृत चित्रबहादुर अधिकारी, नेपाल शिक्षक महासंघ भीमसेन थापा गाउँपालिकाका अध्यक्ष भूमि गोतामे, भीमसेन थापा गाउँपालिका वडा नम्बर ५ का वडाध्यक्ष होमबहादुर बरामुलगायतले पनि मन्तव्य व्यक्त गरेका थिए ।
पालिकाले उत्कृष्ट विद्यार्थी र शिक्षकलाई प्रदान गरिएको सम्मानले सम्पूर्ण शैक्षिक समुदायलाई थप उत्साह र प्रेरणा दिने विश्वास व्यक्त गरिएको छ । भिमसेनथापा गाउँपालिकाले आगामी दिनमा पनि शिक्षा क्षेत्रको स्तर वृद्धि गर्न निरन्तर अभियान सञ्चालन गर्ने प्रतिवद्धता जनाएको छ ।
