गोरखा, १६ भदौ । गोरखाको बगुवामा बसले १ जना बृद्वलाई च्याप्दा गंभिर घाईते भएका छन् । घाईते हुनेमा भिमसेन थापा गाउँपालिका–५ बगुवाका ७० बर्षिय उदय नन्द पोखरेल भएको पुष्टी भएको छ ।
बारपाक सुलिकोट गाउँपालिकाको देउरालीबाट गोरखा बजार तर्फ आउदै गरेको ग १ ख ५९२० नम्बरको गोरखा दरौदी यातायात सेवा कम्पनी प्रालिको बसले पोखरेललाई च्याप्दा बायाँ खुट्टामा गंभिर चोट लागेको छ ।
उनलाई गोरखा अस्पतालमा सामान्य उपचार लगत्तै थप उपचारकोलागि राजधानीको बि एण्ड बी अस्पताल लगिएको गोरखा प्रहरीले जनाएको छ ।
सोही बसमा सवार पोखरेल बगुवामा झर्ने क्रममा बसको पछाडी भागको चक्काले च्यापिएका थिए ।
बस र बसका चालकलाई प्रहरीले नियन्त्रणमा लिएको छ । बिहान ९ बजे भएको उक्त घटना लगत्तै प्रहरी र ट्राफिक प्रहरी घटना स्थल पुगेर अनुसन्धान थालेको प्रहरीले जनाएको छ ।
