गोरखा, ६ भदौ । मानव बेचबिखन तथा ओसारपसारमा संलग्न रहेको आरोपमा गोरखा सदरमुकामकी १ जना युवती पक्राउ परेकी छिन् ।
पक्राउ परेकी युवती गोरखा नगरपालिका–४ फिनामकी २८ वर्षीया सरिता सिर्मल भएको पर्सा प्रहरीले पुष्टी गरेको हो । सिर्मललाई पर्सा प्रहरीले गएको मंगलबार दिउँसो पक्राउ गरेको थियो ।
पीडितहरूलाई विभिन्न प्रलोभन देखाई ललाई फकाई हेटौडाबाट वीरगंज हुँदै भारतको रक्सौलतर्फ लैजान लागेको अवस्थामा जिल्ला प्रहरी कार्यालय पर्सा र प्रहरी चौकी ईनर्वाबाट खटिएको प्रहरीले उनलाई वीरगंज महानगरपालिका–१६ शंकराचार्य गेटस्थित सडकबाट पक्राउ गरेको हो ।
प्रहरीले ३ जना पीडितहरूलाई समेत उद्दार समेत गरेको छ । पक्राउ परेकी सिर्मल उपर मानव बेचबिखन तथा ओसार पसार सम्बन्धी कसूरमा जिल्ला अदालत पर्साबाट ५ दिन म्याद थप अनुमति लिई आवश्यक अनुसन्धान गरिरहेको छ ।
