काठमाडौँ, २१ साउन । नेकपा माओवादी केन्द्रका सांसद शक्ति बस्नेतले स्वास्थ्य क्षेत्रमा जनशक्ति अभावको कारण नागरिकले आधारभूत उपचार सेवा पाउन नसकेको भन्दै सरकारको ध्यानाकर्षण गरउनुभएको छ ।
प्रतिनिधि सभाको बुधबारको बैठकमा बोल्दै सांसद बस्नेतले स्वास्थ्य चौकी तथा जिल्ला अस्पतालहरूमा चिकित्सक अभाव हुँदा नागरिकले उपचार सेवा नभएको भन्दै जनशक्ति थप गर्न सरकारको ध्यानाकर्षण गराउनुभएको हो ।
दरबन्दी भएका अस्पतालहरूमा समेत जनशक्ति आपूर्ति हुन नसकेको उहाँको भनाइ छ । उहाँले धेरै स्थानीय तहका आधारभूत अस्पतालहरूका ओएनएम नहुँदा दरबन्दी समेत सिर्जना हुन नसकेको बताउनुभयो ।
उहाँले तीन तहको सरकारबिच आवश्यक समन्वय गरी स्वास्थ्यकर्मी पदपूर्ति गरी नागरिकको स्वास्थ्यसम्बन्धी हक सुनिश्चित गर्न माग गर्नुभयो ।
उहाँले भन्नुभयभो, ‘स्थानीय, प्रदेश र सङ्घीय सरकारबिच समन्वय गरी यथाशीघ्र ओएनएम गरी पदपूर्ति प्रक्रिया अगाडि बढाइयोस् । र दुर्गम क्षेत्रका स्वास्थ्यकर्मीका लागि विशेष प्रोत्साहन प्याकेजको व्यवस्था गरियोस् ।’
सांसद बस्नेतले दुर्गम क्षेत्रमा कार्यरत स्वास्थ्यकर्मीहरूको लागि प्रोत्साहन प्याकेजको व्यवस्था गर्न समेत माग गर्नुभयो ।
