गोरखा,१२ जेठ । गोरखाको मनकामना मन्दिर दर्शन गरेर फर्किएका भारतिय पर्यटकको मृत्यु भएको छ । मन्दिर दर्शन गरेर फर्किएका भारतीय पर्यटकको चेरेशमा रहेको मनकामना दर्शन प्रालिको शौचालयमा लडेर ज्यान गएको हो ।
चितवनको इच्छाकामना गाउँपालिका–४ मनकामना केवलकारको स्टेशनमा रहेको शौचालयमा लडेर गुजरातको पालनपुरका ६२ वर्षीय मन्नुप्रसाद भट्टको मृत्यु भएको ईलाका प्रहरी कार्यालय मुग्लिनले जनाएको छ ।
प्रहरी निरीक्षक प्रतीक सिंहका अनुसार शौचालयमा लडेर अचेत भेटिएका भट्टलाई उपचारका लागि इच्छाकामना आधारभूत अस्पताल कुरिनटार लौजादा चिकित्सकहरुले मृत घोषणा गरेका हुन् ।
