गोरखा, २७ चैत । मानव बेचबिखन तथा ओसारपसारको कसुरमा ५ वर्ष कैद सजाय तोकिएका गोरखा सदरमुकामका १ व्यक्तिलाई प्रहरीले पक्राउ गरेको छ ।
पक्राउ पर्नेमा गोरखाको गोरखा नगरपालिका–११ घर भएका २१ वर्षीय निरज ढकाल भएको मानव बेचबिखन अनुसन्धान ब्यूरोले पुष्टी गरेको हो ।
सो टोलीले ढकाललाई गोरखाबाट पक्राउ गरेर राजधानी लगेको छ । ढकालले टोखामा घर भाडामा लिई खाजा सञ्चालन गर्र्दै आएका थिए । उक्त खाजा घरमा उनले बालिकालाई यौन व्यवसायमा लगाएका थिए ।
प्रति ग्राहक १ हजार रुपैयाँ लिएर बालिकालाई यौन कार्यमा लगाएको आरोपमा उनलाई ब्यूरोको टोलीले २५ मंसिर २०७९ मा पक्राउ गरेको थियो । त्यतिबेला उनी १ लाख धरौटीमा रिहा भएका थिए । फैसला हुँदा भने उनी दोषी ठहर हुँदै ५ वर्ष कैद र २५ हजार रुपैयाँ जरिवाना तोकिएको थियो ।
