गोरखा, २१ चैत । कला, संस्कृती र पराम्परा जोगाउने उद्वेश्य सहित गोरखा दरर्बार परिषरमा ‘चैते दशै मेला २०८१’ हुने भएको छ । गोरखा उद्योग बाणिज्य संघको आयोजना र गोरखा नगरपालिकाको प्रवद्र्वनमा यही चैत्र २३ गते १ दिने मेला हुने संघका अध्यक्ष भगवानबावु मास्केले जानकारी दिनुभयो ।
मेलाका बारेमा जानकारी दिने उद्वेश्य सहित संघको कार्यालयमा आयोजित पत्रकार सम्मेलनमा बिगतमा हुने गरेको मेला ठप्प प्राय भएकोले कला, संस्कृती र पराम्परा जोगाउने उद्वेश्य सहित मेलाको आयोजना गरीएको अध्यक्ष मास्केले बताउनुभयो । ‘पराम्परागत चैते दशै मेला लोप हुने अवस्थामा पुग्यो’ उहाँले भन्नुभयो ‘ कला, संस्कृती र पराम्परा जोगाउने उद्वेश्यले पनि मेलाको आयोजना गरीएको हो ।’
आगामी बर्षहरुमा मेला ब्यवस्थित हुन थालेपछी भने संघले स्थानिय संघ संस्थालाई त्यसको जिम्मेवारी प्रदान गर्ने मेला संयोजक प्रकाशचन्द्र श्रेष्ठले बताउनुभयो ।
संयोजक श्रेष्ठका अनुसार उक्त दिनमा गोरखा नगरपालिका भित्रको ६ वटा नौमती बाजाको प्रतियोगिता हुनुका साथै धार्चे र सिरानचोक गाउँपालिकाको ठाडो भाखाको प्रस्तुती रहने छ ।
त्यसका साथै मनोरञ्जनका लागि बिंगो खेल, पृथ्वी गुरुङ, शिला आले, भूमिका जिसी र चित्र गरुङ प्रस्तुती रहेको छ । युवाहरु माझ लोकप्रिय रहेको हरवर्ड बान्डका सञ्जन आचार्यको प्रस्तुती, गोरखा मल्टी ट्यालेन्ट ग्रुपको साँगितीक कार्यक्रम राखिएको अध्यक्ष मास्केले बताउनुभयो ।
जिल्ला भित्रैको बिरेनचोकको घाँटु नाँच, बुंकोटको भजन र मनकामनाको चुड्का तथा कुमाल जातीको पाङदुरे पनि मेला आयोजना स्थलको फरक फरक स्थानमा प्रस्तुती हुने छ भने कालिका कला केन्द्रले समेत आफ्नो प्रस्तुती गर्ने भएको छ ।
मेलामा ५०० जनालाई निःशुल्क खानाको ब्यवस्था गरिएको छ भने लायन्स आँखा अस्पतालद्वारा आँखा शिविर, गोरखा अस्पतालले प्रार्थमिक उपचार केन्द्र स्थापना, रेडक्रसले निःशुल्क मास्क सहित स्यमं सेवकको ब्यवस्था गरेको पत्रकार सम्मेलनमा जानकारी गराईएको थियो ।
०४६ सालभन्दा अघिल्लो बर्षसम्म ३ दिनसम्म लाग्ने मेला त्यस यता शुन्य प्राय भएको छ । जिल्ला भित्र र बाहीरबाट गरी ८ हजार दर्शनार्थी सहितका मानिसले मेलामा सहभागिता जनाउने आयोजक संस्थाले अनुमान गरेको छ । संघले पहिलो पटक उक्त स्थानमा मेलाको आयोजना गरेको हो ।
