गोरखा, १ चैत । जिल्लामा पहिलो पटक गोरखा बितरक संघ गठन गरीएको छ । थोक ब्यापारीहरुको भेलाले जिल्लामा पहिलो पटक बितरक संघ गठन गरेको हो ।
नव गठिन संघको अध्यक्षमा डण्डपानी कट्टेल निर्विरोध चयन भएका छन् । त्यसैगरी उपाध्यक्षमा मनकाजी श्रेष्ठ, सचिवमा बिशाल राना मगर र कोषाध्यक्षमा काजीराम श्रेष्ठ चयन भएका छन् ।
कट्टेलको अध्यक्षतामा ११ सदस्यीय जिल्ला कार्य समिति चयन भएको सचिव राना मगरले जानकारी दिनुभयो । उहाँका अनुसार सदस्यहरुमा दिपककुमार श्रेष्ठ अनु, श्यामबावु जोशी, कृण्णमान श्रेष्ठ ईश्वर, गोकर्णबहादुर राना मगर, शिवध्वज खत्री, सुबाषबावु श्रेष्ठ र कमलनारायण श्रेष्ठ सर्व सम्मत रुपमा चयन भएका छन् ।
थोक बिक्रेताहरुको पश्चिमकालीमा भएको भेलाले समिति गठन गरेको हो । भेलामा नेपाल बितरक संघका केन्द्रिय महासचिव शिव खनाल, चेम्बर अफ कमर्श गोरखाका अध्यक्ष भाईचन्द्र श्रेष्ठ र गोरखा उद्योग बाणिज्य संघका अध्यक्ष भगवानबावु मास्के समेतको उपस्थिती रहेको थियो ।
