काठमाडौ, ३० माघ । देशभर पाठेघरको मुखमा हुने क्यान्सरविरुद्धको एचपीभी खोप लगाउने किशोरीको सङ्ख्या १० लाख नाघेको छ । सरकारले खोप अभियान सुरु गरेको ८ दिनमा १० लाखभन्दा बढीले खोप लगाएका स्वास्थ्य सेवा विभागले जनाएको छ ।
विभाग अन्तर्गतको बाल स्वास्थ्य तथा खोप शाखा प्रमुख डा. अभियान गौतमले अभियानमार्फत ६० प्रतिशत किशोरीले खोप लगाएका बताउनुभयो ।
खोप अभियान फागुन ६ गतेसम्म चल्नेछ । देशभरका विद्यालयका कक्षा ६ देखि १० सम्मका र विद्यालय बाहिर रहेका १० देखि १४ वर्ष उमेर समूहका १६ लाख ८ हजार ७६ किशोरीलाई खोप लगाउने सरकारको लक्ष्य छ ।
