गोरखा, १६ पुस । कश्यप गोत्रीय अधिकारी वंश प्रतिष्ठान गोरखाको छैटौ साधारण सभा तथा चौथो अधिवेशन आज सम्पन्न भएको छ । गोरखा सदरमुकाममा भएको अधिबशेनले हरिराम अधिकारीको अध्यक्षतामा नयाँ कार्यसमिति चयन गरेको प्रतिष्ठानले जनाएको छ ।
अधिबेशनले उपाध्यक्षमा कृष्णप्रसाद अधिकारी, सचिवमा जयराम अधिकारी र कोषाध्यक्षमा भगवती अधिकारीलाई सर्वसम्मत चयन गरेको हो । त्यस्तै नवनिर्वाचित समितिको सदस्यहरुमा राजेन्द्रप्रसाद अधिकारी, राजिव अधिकारी, लिलावती अधिकारी, टिकाराम अधिकारी र शुसिला अधिकारी चयन भएका छन् ।
त्यस्तै केन्द्रीय परिषद् सदस्यमा जानुका अधिकारी, प्रदेश प्रतिनिधिमा उत्तम बाबु अधिकारी चयन हुनुभएको प्रतिष्ठानले जनाएको छ । सल्लाहकार समितिको संयोजकमा यदुप्रसाद अधिकारी, सदस्यहरुमा एकदेव अधिकारी र टुकनाथ अधिकारी चयन हुनुभएको जनाइएको छ ।
गोरखा जिल्ला भित्र फैलिएका कश्यप गोत्रीय अधिकारीहरूको एकता, क्रियाशीलता बढाउदै वंशको गरिमा जगेर्ना गर्न तथा भावी पुस्तालाई समृद्धि र पहिचानसहितको जीवन उपलब्ध अपेक्षासहित प्रतिष्ठानले काम गर्दै आएको छ ।
