गोरखा, २४ कार्तिक । मानव सेवा आश्रमको मेची–महाकाली यात्रा–२०८१ २५औं दिनमा गोरखा प्रवेश गरेको छ । पूर्वको मेचीदेखी सुरु भएको यात्रा पश्चिमको महाकाली पुगेर २५औं दिनमा गोरखा प्रवेश गरेको आश्रमका केन्द्रिय अध्यक्ष रामजी अधिकारीले जानकारी दिनुभयो ।
असोजको २६ गते राजधानीको बालुवाटारबाट सुरु भएको यात्राले पूर्वको मेची र पश्चिमको महाकाली यात्रा पुरा गरेर गण्डकी प्रदेशमा प्रदेश गरेको हो । गोरखा प्रवेश गरेको यात्राले सडकमा कुनै पनि मानव नभेटीएको अध्यक्ष अधिकारीले बताउनुभयो ।
यात्रा गोरखा प्रवेश गर्दा मावन सेवा आश्रम गोरखाको अभिभावक परिवारले भब्य रुपमा टोलीलाई स्वागत गरेको अभिभावक परिवारका संयोजक शित्तलकाजी मास्केले बताउनुभयो । बिहीबार गोरखा प्रवेश गरेको यात्रालाई शुक्रबार एक कार्यक्रम बिच बिदाई गरीएको थियो । बिदाई कार्यक्रममा जिल्ला प्रशासन कार्यालय गोरखाका प्रमुख जिल्ला अधिकारी पुण्यबिक्रम पौडेलले अभियानको उद्वेश्य सहितको सफलताको शुभकामना ब्यत्त गर्नुभयो ।
उहाँले सरकार र सरकारी प्रतिनिधिले गनुपर्ने यस्ता कार्य मानव सेवा आश्रम एक्लैले देश ब्यापी रुपमा गरेकोमा प्रशंसा गर्दै यस्ता कार्यमा सरकार र सरकारी प्रतिनिधिको हिसाबले सहयोग गर्न तयार रहेको बताउनुभयो। ‘कतब्र्य पुरा गर्ने काम गर्नु भएको छ’ उहाँले भन्नुभयो ‘यस्ता काममा हामी हातमा हात र साथमा साथ दिएर सहयोग गर्न तयार छौ ।’
उहाँले यात्रालाई गोरखाबाट बिदाई गर्दै देशैभर आश्रममा आश्रितहरुलाई नेपाली संस्कार सिकाउन सफल भएकामा खुशी ब्यत्त गर्दै आश्रितहरुको सुखद र उन्नत भविष्य कामना समेत गर्नुभयो ।
कार्यक्रममा बोल्दै केन्द्रिय अध्यक्ष अधिकारीले मेची–महाकाली यात्राको क्रममा गोरखा प्रवेश गर्दासम्म १८३ जना सडक मानवको उद्वार गरीएको जानकारी दिुभयो । उहाँका अनुसार उद्वार गरीएकाम ध्ये १४० जना बुवा र ४३ जना आमाहरु रहेको बताए । उद्वारकै क्रममा ९ जना बालबालिका रहेको र त्यस मध्ये ५ जना नानी र ४ जना बावुहरु रहेको पनि जानकारी दिनुभयो ।
गोरखा प्रवेश गरेको यात्रालाई मानव सेवा आश्रम अभिभाव परिवारहरुले शुक्रबार आश्रमको गोरखा लोगो रहेको क्याप लगाएर बिदाई गरीएको थियो । बिदाई कार्यक्रममा गोरखा आश्रममा रहेका बालगोपालहरुको समेत उपस्थिती रहेको थियो ।
