एजेन्सी, २४ असोज । भारतका प्रसिद्ध उद्योगपति रतन टाटाको निधन भएको छ । उहाँको गएराती मुम्बईको एक अस्पतालमा निधन भएको भारतीय सञ्चारमाध्यमले जनाएका छन् ।
उहाँको निधनमा शोक ब्यक्त गर्दै भारतीय राष्ट्रपति द्रौपदी मुर्मुले पुँजी वृद्धिलाई देशको निर्माणसँग र उत्कृष्टतालाई नैतिकतासँग जोडेको एक ‘आइकन’लाई गुमाएको उल्लेख गर्नुभएको छ ।
यसैगरी भारतीय प्रधानमन्त्री नरेन्द्र मोदीले एक दूरदृष्टिसहितको ब्यापारका अगुवा र एक असाधारण व्यक्तिको रुपमा आफुले सम्झने बताउनुभएको छ । उहाँले स्थापना गरेको भारतीय कम्पनी ‘टाटा’ सवारी साधन उत्पादनका लागि विश्वभरी नै चिनिएको छ ।
