ओस्लो, ६ असोज । यात्रीहरूलाई पस्किने खाजामा जिउँदो मुसा भेटिएपछि स्कान्डिनाभियन एयरलाइन्स ९एसएएस०को एउटा उडान आपत्कालीन अवतरण गरिएको छ । यो घटना गत बुधबारको हो ।
विमान नर्वेको राजधानी ओस्लोबाट स्पेनको मालगातिर जाँदै थियो । यो घटनापछि डेनमार्कको कोपेनहेगनमा विमान आकस्मिक रुपमा अवतरण गराइयो ।
सुरक्षा जोखिमका कारण कम्पनीको प्रोटोकलकै आधारमा विमानको अवतरण गराइएको एसएएसका प्रवक्ता ओएष्टिन श्मिड्टले समाचार संस्था एएफपीलाई भने ।
यात्रीहरूलाई पछि छुट्टै उडानमा मालगा पठाइएको थियो । विमानभित्र मुसा देखिएको मामिलामा विमान सेवा प्रदायकहरूको नियम कडा छ ।
मुसाले तारहरू काट्ने भयका कारण पनि विमानको आकस्मिक अवतरण गर्ने गरिन्छ । तर यस्तो दूलर्भ हुने गरेको श्मिड्टले भनेका छन् ।
