गोरखा, ५ असोज । यस वर्ष विजयादशमीको शुभसाइत असोज २६ गते बिहान ११ बजेर ३६ मिनेटका लागि उत्तम रहेको नेपाल पञ्चाङ्ग निर्णायक विकास समितिले जनाएको छ ।
समितिका अध्यक्ष श्रीकृष्ण अधिकारीले बिहान ८ बजेर ३३ मिनेटदेखि देवी विर्सजनको साइत रहेको जानकारी दिनुभयो ।
उहाँकाअनुसार विजयादशमीको प्रसाद ग्रहण गर्दा पूर्वतर्फ फर्केर बस्नु उत्तम हुन्छ । यस वर्षको दसैँ यही असोज १७ गते अर्थात बिहीवारबाट सुरु हुँदैछ । घटस्थापनाको साइत बिहान ९ बजेर १६ मिनेटमा रहेको समितिले जनाएको छ ।
