एजेन्सी, २९ भदौ । गाजा पट्टीमा पहिलो चरणमा १० वर्ष मुनिका ५ लाख ६० हजारभन्दा बढी बालबालिकालाई पोलियो विरुद्ध खोप लगाएका छन् । संयुक्त राष्ट्र मानवीय मामिला समन्वय कार्यालय (ओसीएचए) ले गाजाको उत्तरी, मध्य र दक्षिणी क्षेत्रहरूमा पहिलो चरणको आपतकालीन खोप अभियान सम्पन्न भएको जनाएको छ ।
ओसीएचएले उत्तरी गाजामा मात्रै संयुक्त राष्ट्र संघ र यसका साझेदारहरूले तीन दिनमा १ लाख १२ हजारभन्दा बढी बालबालिकालाई खोप लगाएको जनाएको छ । कार्यालयले आफ्ना साझेदारहरूले करिब चार हप्तामा दोस्रो चरणको खोप अभियान सुरु गर्ने बताएको छ ।
